Быйыл Улуу Кыайыы 80 сылыгар аналлаах элбэх тэрээhин оноhулунна уонна өссө да буолуо турдаҕа. Ол курдук ыам ыйын 24 күнүгэр Алексей Павлов салайааччылаах Саха Өрөспүүбүлүкэтин үүнэр көлүөнэтин судаарыстыбаннай тыйаатырын сценатыгар “Улуу Кыайыы хотойдоро” диэн ааттаах спектакль сүрэхтэннэ.
Туруорааччы режиссер Саха Өрөспүүбүлүкэтин үтүөлээх артыыската Валентина Якимец. Спектакль пьесатын ааптара биhиги коллегабыт Саха Өрөспүүбүлүкэтин култууратын үтүөлээх үлэhитэ, билигин Нам улууһун М.А.Охлопкова аатынан Хатырык нэһилиэгин модельнай библиотекатыгар ситиһиилээхтик үлэлии сылдьар Любовь Ивановна Васильева. Любовь Ивановнаны түгэнинэн туhанан Саха Өрөспүүбүлүкэтин норуот айымньытын диэтин аатыттан итиитик-истинник эҕэрдэлиибит.
Бу Бүлүү улууһун Аҕа Дойду улуу сэриитин Үс Сэбиэскэй Сойуус Дьоруойдарыгар Николай Алексеевич Кондаковка, Николай Саввич Степановка, Алексей Афанасьевич Мироновка аналлаах пьесанан документальнай ис хоһоонноох спектакль оҥоhуллан, киэҥ эйгэҕэ тахсан, дьон сүрэҕин, дууhатын олус диэн долгутта.
Спектакль биир сүрүн сыала – соруга: эдэр көлүөнэҕэ Аҕа дойдуга бэриниилээх буолуу, сэрии сылларыгар хорсун быhыыны көрдөрбүт Дьоруойдарбыт аатын билиһиннэрии, киэн туттуу, үйэтитии буолар.
Биhиги билиҥҥи дьон уонна инники көлүөнэ дьоно умнумуох тустаахпыт кыайыы Сэбиэскэй Сойууска хайдах кэлбитин уонна махталбыт аҕа көлүөнэ дьонугар муҥура суох.
https://vkvideo.ru/video-222166346_456239073 Алексей Павлов Саха Өрөспүүбүлүкэтин үүнэр көлүөнэтин судаарыстыбаннай тыйаатырын салайааччыта (интервью)
https://vkvideo.ru/video-222166346_456239072 репортаж о премьере