Тылы харыстыыр, үйэтитэр уонна сайыннарар сыаллаах государственнай программа чэрчитинэн Саха Өрөспүүбүлүкэтин култуура5а уонна духуобунай сайдыыга министиэристибэтин өйөөһүнүнэн, Өрөспүүбүлүкэтээҕи норуот айымньытын дьиэтэ көҕүлээһининэн муус устар 24 күнүгэр Хаҥалас улууһун Покровскай куоратын “Саргы түһүлгэтэ” култуура киинигэр саха тылыгар 8-11 кылаас оҕолоругар «ТуоС» (Тыл уонна сатабыл) интеллектуальнай оонньуу ыытылынна.
П.И.Шадрин аатынан Өктөм орто оскуолата, И.М.Яковлев аатынан Покровскай 1-кы нүөмэрдээх орто оскуолата, А.В.Дмитриев аатынан Ой орто оскуолата, Покровскай 3-с нүөмэрдээх орто оскуолата, уопсайа 4 хамаанда кыттыыны ылла.
Күрэх 5 түһүмэҕинэн ыытылынна:
1 түһүмэх. Бэйэни билиһиннэрии видеоролига.
2 түһүмэх. Саха тылын билиитин тургутуу.
3 түһүмэх. Араас темалардаах интерактивнай оонньуу.
4 түһүмэх. Саха төрүт атах оонньуута.
5 түһүмэх. Өйтөн айымньы айан таһаарыы.
Тыҥааһыннаах күрэх түмүгүнэн:
1 миэстэ – А.В.Дмитриев аатынан Ой орто оскуолата.
2 миэстэ – .М.Яковлев аатынан Покровскай 1-кы нүөмэрдээх орто оскуолата.
3 миэстэ – П.И.Шадрин аатынан Өктөм орто оскуолата .
Миэстэлэспит хамаандалар сыаналаах бирииһинэн, кубогынан наҕараадаланнылар.
Оҕолор төрөөбүт төрүт тылларын билиилэрин хаҥатан, үөрэ-көтөн чаҕылыһан тарҕастылар.
2026 сыл олунньу 13 күнүгэр – тыл уонна сурук-бичик күнүгэр Дьокуускай куоракка өрөспүүбүлүкэ таһымнаах күрэххэ кыайыылаах хамаанданы күүтэбит!