ТуоС в Чурапчинском районе

Тылы харыстыыр, үйэтитэр уонна сайыннарар сыаллаах государственнай программа чэрчитинэн Саха Өрөспүүбүлүкэтин министерствотын культуратын уонна духуобунаһын өйөөһүнүнэн, Өрөспүүбүлүкэтээҕи норуот айымньытын дьиэтэ көҕүлээһининэн тохсунньу ый 23 күнүгэр “Айыллаан” культура киинигэр Чурапчы улууһугар «ТуоС» – тыл уонна сатабыл саха тылыгар 9-11 кылаас оҕолоругар интеллектуальнай оонньуу ыытылынна. Д.П.Коркин аатынан Чурапчытааҕы республиканский спортивнай оскуола, С.К.Макаров аатынан Чурапчытааҕы гимназия, И.М.Павлов аатынан Чурапчытааҕы орто оскуола, С.А.Новгородов аатынан Чурапчытааҕы орто оскуолаттан икки хамаанда, уопсайа биэс хамаанда кыттыыны ылла.

Күрэх 5 түһүмэҕинэн ыытылынна:


1 түһүмэх. Бэйэни билиһиннэрии видеоролига.
2 түһүмэх. Саха тылын билиитин тургутуу.
3 түһүмэх. Араас темалаах интерактивнай оонньуу.
4 түһүмэх. Саха төрүт атах оонньуута.
5 түһүмэх. Өйтөн айымньы айан таһаарыы.


Тыҥааһыннаах күрэх түмүгүнэн:

1 миэстэ – “Өрөгөй” Д.П.Коркин аатынан Чурапчытааҕы республиканский спортивнай оскуолатын хамаандата
2 миэстэ – “Күн Өркөн” С.К.Макаров аатынан Чурапчытааҕы гимназия хамаандата
3 миэстэ – “Алмас” С.А.Новгородов аатынан Чурапчытааҕы орто оскуола хамаандата
Миэстэлэспит хамаанда сыаналаах бирииһинэн, кубогынан наҕараадаланна. Хас биирдии кыттааччы оҕо тэрийээччилэртэн бэлэх тутта.
Оҕолор төрөөбүт төрүт тылларын билиилэрин хаҥатан, үөрэ-көтөн чаҕылыһан тарҕастылар.

Олунньу 13 күнүгэр – тыл уонна сурук-бичик күнүгэр Дьокуускай куоракка өрөспүүбүлүкэ таһымнаах күрэххэ кыайыылаах хамаанданы күүтэбит!