Бу дьыл балаҕан ыйын 16 күнүгэр ветеран-педагог, үлэ, тыыл
ветерана, «Гражданскай килбиэн» анал бэлиэ хаһаайына, саха бастакы
балериналарыттан биирдэстэрэ Егорова Ольга Терентьевна күн сириттэн
күрэммитинэн Өрөспүүбүлүкэтээҕи норуот айымньытын дьиэтэ бары
коллегаларыгар, Дьокуускайдааҕы культпросвет училище
выпускниктарыгар, А.Д. Макарова аатынан култуура уонна искусство
колледжын коллективыгар, Ольга Терентьевна дьиэ кэргэнигэр,
оҕолоругар, чугас дьонугар, республика бары хореографтарыгар дириҥ
кутурҕанын тириэрдэр.
Ольга Терентьевна хореография салаатыгар үөрэппит оҕолоро саха
үҥкүүтүн үрдүк үрдэллэргэ таhаарбыттара, аан дойдуга аатырдыбыттара.
Ветеран учуутал сүүhүнэн хореография специалистарын иитэн-үөрэтэн,
кынат анньан көтүппүтэ. Кинилэр билигин республика араас улуустарыгар
таһаарыылаахтык үлэлииллэр, оҕолору, эдэр ыччаты үҥкүү алыптаах
эйгэтигэр уһуйаллар. Кинилэр ортолоругар республика биллиилээх
хореографтара, СР култууратын үтүөлээх үлэһиттэрэ Лукина Ангелина
Григорьевна, Винокуров Василий Павлович, Винокурова Екатерина
Павловна, Толстякова Сима Петровна, Гаврильева Татьяна Михайловна,
Зинурова Светлана Юрьевна бааллар.
Улахан учуутал айымньылаах үлэтэ махталлаах үөрэнээччилэригэр
салҕаныаҕа, кини аата үйэлэргэ умнуллуо суоҕа.

Өрөспүүбүлүкэтээҕи норуот айымньытын дьиэтин
салалтата, коллектива