Муус устар 6 күнүгэр СӨ культураҕа уонна духуобунай сайдыыга министерствота бигэргэппит балаһыанньатыгар олоҕуран өрөспүүбүлүкэтээҕи норуот айымньытын дьиэтин специалистара:
Директоры солбуйааччы Н.И. Дмитриев, уус-уран салайааччы А.К. Захаров, норуот айымньытыгар отдел специалистара А.Т. Аммосова, Ж.Н. Жиркова, клубнай үлэҕэ специалист И.А. Тойтонов састааптаах экспертнэй хамыыһыйаУУс Алдан улууһун народнай коллективтара “народнай” ааттарын көмүскүүр үлэлэрин көрдүлэр.
Балаһыанньа быһыытынан маннык көмүскээһиннэри коллективтар 4 сылга биирдэ бараллар.
УУс Алдан улууһугар 9 народнай коллектив үлэлиир. Бу күн экспертнэй хамыыһыйа иннигэр бэйэлэрин народнай ааттарын ситиһиилээхтик көмүскээтилэр:
1. Түүлээхтээҕи “Аргыс” (сал. Станислав Иванов),
2. Тандаттан “Дьиэрэй” (сал. Михаил Неустроев) эр дьон вокальнай ансамбыллара
3. *Бээрийэттэн “Кэскил” студия *(сал. Михаил Васильев),
4. *Чараҥтан “Алтан Кыл” айар студия *(сал. Гаврил Свинобоев).
Коллективтар ырыалара-тойуктара үрдүктүк сыаналанна, толорор маастарыстыбалара үрдээбитэ бэлиэтэннэ. Коллективтар республика5а эрэ буолбакка Россия5а ону таһынан Аан дойдуга да ыытыллар бары тэрээһиннэргэ активнай кыттыыны ылан, үрдүк ситиһиилэрин туоһулуур быыстапкаларын дьон-сэргэ иннигэр туруорбуттара кэрэхсэннэ. Народнайдар кэнсиэртэригэр олохтоохтор заала5а лыык курдук симиллэн олорон көрдүлэр, ытыс тыаһынан хас биирдии ырыаны до5уһуоллаатылар.
