Сунтаар улууһун Түбэй-Дьаархан нэһилиэгиттэн олунньу 12 күнүгэр айаҥҥа туруммут С.А. Зверев-Кыыл Уола 120 сылыгар аналлаах Ытык Бэлиэ өрөспүүбүлүкэ улуустарын кэрийэн бүгүн ахсынньы 11 күнүгэр өрөспүүбүлүкэтээҕи норуот айымньытын Дьиэтигэр кэлэн Сунтаар улууһун бэрэстэбиитэлигэр үөрүүлээх тэрээһиҥҥэ туттарыллар күнэ үүннэ.
Улуустарга араас тэрээһиннэр ыытылыннылар. Ол курдук нэһилиэктэринэн сырытыннардылар, оскуола оҕолоругар араас кылаас чаастара, күрэхтэр тэрилиннилэр. Ытык киһибит Сергй Зверев ырыалара-тойуктара ыраахха дылы дьиэрэйдилэр, кини туһунан историческай суолталаах киинэлэр көһүннүлэр, кинигэ быыстапкаларыгар кини олоҕун, үлэтин көрдөрөр айымньылар, хаартыскалар уурулуннулар. Кыыл Уолун ансамбылыгар сылдьыбыт, кинилиин алтыһан ааспыт дьон араас улуустарынан олороллоро билиннэ. Кинилэри кытта көрсүһүүлэри тэрийэн иһирэх кэпсэтиилэр буолан аастылар. Зверев Тоҕус мэҥэ хамсаныытын суолтатын үөрэтии ыытыллан оһуор хамсаныыларын бүтүн нэһилиэгинэн, оскуоланан толордулар.
Бүгүҥҥү норуот айымньытын Дьиэтигэр ыытыллыбыт тэрээһиҥҥэ Ытык Бэлиэни Сунтаар улууһун Дьаархан нэһилиэгин Одун култуура киинин салайааччытыгар Василий Васильевич Васильевка норуот айымньытын Дьиэтин дириэктэрэ Саха республикатын култууратын үтүөлээх үлэһитэ Сергей Степанович Семенов туттарда.