Кулун тутар 13 күнүгэр Мүрү нэһилиэгэ норуот ырыаһыта,
тыл сүмэтин маастара Сергей Зверев – Кыыл Уола төрөөбүтэ 120 сылыгар аналлаах Ытык
Бэлиэни Лөгөй нэһилиэгин делегациятыттан Мүрү алааһын кэрэ көстүүтүгэр, ытык сирбитигэр Хараҕа Төрдүгэр туттулар! Саха норуотун чулуу уолугар
аналлаах тэрээһини Олоҥхо дьиэтигэр күнүс 14 чааска ыыттылар. Тэрээһиҥҥэ Сибиэрэп
туһунан киинэни, олоҕун туһунан сырдатыыны, Сибиэрэптиин алтыспыт дьоммут:
Евдокия Максимовна Иванова, Галина Никитична Иванова-Айтыына ахтыыларын иһиттилэр.
Мүрү нэһилиэгин баһылыгын солбуйааччыта Владилена Васильевна Колесова мустубут дьону
Ытык Бэлиэ кэлбитинэн эҕэрдэлээтэ. “Сарсын, сарсын сарсыарда” ырыатын сцена
ветерана, сэрии кэмин оҕото Розалия Михайловна Окоемова 3 саас оскуолатын
“Сиккиэр” норуот инструменнарыгар оркестрынан доҕуһуоллаан толордо (сал.С.Н.Луковцев).
Сибиэрэп 9 Мэҥэ хамсаныытын улуустааҕы хореографтар ассоциациялара иилээн ыыттылар(
сал.У.П.Ноговицына). Роберта Михайловна Петрова, Афанасий Петрович Бурцев
оһуохай түһүлгэтин төрүттээтилэр. Тэрээһиммитигэр Мүрү нэһилиэгин ветераннара,
“Күндүүнэ” ансамбль, оҕо уһуйаанын үлэһиттэрэ көхтөөх кыттыыны ыллылар.
View this post on Instagram
Ытык Бэлиэ-Лөгөй сиригэр РСФСР култууратын үтүөлээх үлэһитэ, ССРС суруйааччыларын Сойууһун чилиэнэ, Саха АССР ускуустубатын үтүөлээх диэйэтэлэ, Үлэ Кыһыл Знамята уордьанын икки төгүллээх кавалера, Сунтаар улууһун Бочуоттаах олохтооҕо, норуот ырыаһыта Сергей Афанасьевич Зверев төрөөбүтэ 120 сылыгар аналлаах, Саха сирин үрдүнэн ыытыллар марафон чэрчитинэн, Кыыл Уола төрөөбүт Ыгыаттатыттан саҕалаан Өрөспүүбүлүкэ 18 улууһун устун айанныыр Ытык Бэлиэ кулун тутар 12 күнүгэр биһиги нэһилиэкпитигэр кэллэ. Сунтаар талааннаах уустара Тамара Афанасьева, Иннокентий Иванов ураннаан оҥорбут, удьурҕай олбохтоох, сиэдэрэй ситиилээх Аар Баҕах сэргэлээх, көмүс солотуулаах Кыыл Уола бүүстээх Ытык Бэлиэни Баатаҕай, Лөгөй нэһилиэктэрэ быысаһар сирдэригэр, Баатаҕай нэһилиэгин баһылыга Михаил Михайлович Белолюбскай Лөгөй нэһилиэгин баһылыгар Марк Васильевич Местниковка туттарда. Икки өттүттэн арыалдьыттар арыылаах алаадьынан айах туттулар. Ытык Бэлиэни туттарыы туомугар баһылык Михаил Михайлович бэйэтин этиитигэр, биһиги улууспутугар С.А.Зверев үгэһин үйэтитиини бастакынан саҕалаабыт В.И.Троева курдук киһилээхтэринэн Баатаҕай олохтоохторо киэн тутталларын биллэрдэ. Киэһэ 5 чааска П.П.Оготоев аатынан сынньалаҥ киинигэр ыраахтан айаннаан кэлбит Ытык Бэлиэни көрсүү түһүлгэтэ төрүттэннэ. Кэлбит ыалдьыттары кулууп саалатыгар С.А.Зверев "Сарсын сарсын сарсыарда" тойуга дуораһыйа тоһуйда. Нэһилиэк баһылыга М.В. Местников киирии тылыгар маннык тэрээһиннэр ыытыллыылара кэнчээри ыччаты иитиигэ улахан суолталааҕын, өбүгэ үгэһин үйэтитэ туруу- ытык иэспит буоларын тоһоҕолоон эттэ. Олохтоох суруйааччы Ульяна Ивановна Бурнашева хомоҕой тылынан Улуу Сибиэрэби уруйдаата. Сунтаартан төрүттээх Валентина Ивановна Бурнашева С.А.Зверевы илэ көрбүтүн, үҥкүү тыла этэрин эт кулгааҕынан истибитин кэпсээтэ, биир дойдулааҕын олоҕун, айар үлэтин билиһиннэрдэ. Тэрээһин кыттыылаахтара Зверев "Оһуорун үҥкүүтүгэр" олоҕурбут 9 Мэҥэ Хамнаныыны толордулар, Өрөспүүбүлүкэҕэ биллэр олоҥхону толорооччу, тойуксут, үҥкүү тылын этээччи, Лөгөй орто оскуолатын үөрэнээччитэ Диана Петухова оһуохай таһаарыытынан, түмүктээтилэр. Өр сылларга өйдөбүнньүк гынаары х
A post shared by МБУ Кептенинский центр досуга (@legoy_domkultury) on
