Олунньу ый 27-28 күннэригэр Горнай улууһугар Улуу Кыайыы 75 сылыгар, XXI Манчаары оонньууларын спартакиадатыгар бэлэмнэниигэ туһуламмыт культура үлэһиттэрин Агиткультдесанын чэрчитинэн РСФСР култууратын үтүөлээх үлэһитэ, ССРС суруйааччыларын Союһун чилиэнэ, Саха АССР искусстволарын үтүөлээх деятеля, Үлэ Кыһыл Знамя уордьанын икки төгүллээх Кавалера, Сунтаар улууһун Бочуоттаах олохтооҕо, норуот ырыаһыта Сергей Афанасьевич Зверев – Кыыл Уола төрөөбүтэ 120 сылыгар анаан Удьурхай тэллэхтээх, сиэдэрэй ситиилээх, Аар Баҕах сэргэлээх, Кыһыл көмүс солотуулаах Кыыл Уола бюстаах Ытык Бэлиэ эстафетата Горнай улууһун Одуну, Солоҕон нэһилиэктэринэн эргийэн кэлэн, кулун тутар 1 күнүгэр Мукучу оҕо искусствотын оскуолатын директорын үөрэх чааһыгар солбуйааччы Анна Павловна Борисова салайааччылаах Кэбээйи улууһун делегациятыгар туттарылынна.
Сергей Зверев – Кыыл Уола баай ис хоһоонноох олоҕун, саха омук төрүт култууратын, үтүө үгэстэрин өлбөт-сүппэт үйэлээн, айан хаалларбыт ураты нэһилиэстибэтин үүнэр көлүөнэ үөрэтэ, чинчийэ, тарҕата туруо диэн бигэ эрэллээхпит.
