“Илгэ” издательскай дьиэтин, СР Булчуттарын уонна балыксыттарын Союһун, Республикатааҕы норуот айымньытын Дьиэтин тэрээһиннэринэн ахсынньы ый 6 күнүгэр “Кружало” эргиэн киинигэр Саханы саха дэппит көмүс хатырыктаах собо балыкпыт суолтатын үрдэтэр “Оо, собо барахсан” норуот бырааһынньыга алгыһынан арчыланан, буруо таһааран үөрүүлээхтик аһыллан куорат олохтоохторун, ыалдьыттарын дьаарбаҥканан, конкурустарынан, ооннууларынан, ырыанан-тойугунан көрүстэ. Быыстапкаҕа уран тарбахтаахтар хартыыналарын, бэйэлэрэ оҥорбут оҥоһуктарын, тикпит киэргэллэрин, балык тэриитинэн оҥоһуллубут “Собо” брошкалары, хатыыс уонна сордоҥ балыктарынан оҥоһуллубут чуучулалары, киэргэллэри, магниткалары, туос иһиттэри, тимир уустара бэйэлэринэн кэлэн сахалыы быһахтары, анньыылары көрдөрүүгэ туруордулар.
Улахан дьон эрэ буолбакка ого аймах эмиэ көхтөөх кыттыыны ылла..Кинилэргэ анаан “Мин соболоох дойдум” диэн уруһуйга конкурс ыытылынна. Былырыын оҕолору уруһуйдатарга собо быһыылаах фанераны быстаран уруһуйдаппыппыт. Кыра саастаах оҕолор кыттаннар былырыын үлэлэрин ситэ оҥорботох түбэлтэлэрэ баара. Онон быйыл8-тан 12-гэр диэри саастаах оҕолору кытыннардыбыт. Уруһуйдьуттар тэриэлкэгэ собону
акриловай кыраасканан уруһуйдаан, икки чаас устата үлэлэрин бары ситэрэн араас дьэрэкээн, ураты көстүүлээх тэриэлкэлэри туттардылар.
Слепцова П.Н. республикатааҕы норуот айымньытын дьиэтин специалиһа председателлээх жюри быһаарыытынан бастыҥ үлэлэринэн билиннилэр:
1 миэстэ – Новгородова Вика Дьокуускайдаагы 2 оскуола 5 “б” кылааһын үөрэнээччитэ
2 миэстэ – Шамаев Кирилл, Л.А.Ким аатынан художественнай оскуола 1 кылааһын – үөрэнээччитэ
3 миэстэ – Куртуйаахова Дарина, 2 нүөмэрдээх оскуола
