Арассыыйаҕа Норуоттар доҕордоһуулара, Саха сиригэр култуура сылыгар туһуламмыт оһуокай тылын этээччи ыччат дьоҥҥо «Куйаар далай түһүлгэ (Священный круг)» өрөспүүбүлүкэтээҕи күрэх түһүмэҕэ муус устар 10 күнүттэн нэһилиэктэринэн саҕаланна. Чурапчы улууһугар Мугудай нэһилиэгиттэн муус устар 10 күнүттэн саҕалаан Мырыла, Кытаанах, Хоптоҕо, Чыаппара Толоон, Болтоҥо, Болугур нэһилиэктэрин култуураҕа кииннэригэр оһуокай түһүлгэлэрэ көхтөөхтүк тэрилиннилэр.
Сунтаар улууһугар Номох уонна сайдыы сылларыгар анаан сыл көтө-көтө ыытыллар «Айан күрэс» чэрчитинэн оһуокай күрэҕэ көхтөөхтүк ыытылынна. Барыта улахан, орто, кыра нэһилиэктэргэ эдэр эмэн оһуокайдьыттар кытыннылар.Бу күрэстэн бастыҥтан бастыҥнар сүүмэрдэнэн улуус киинигэр “Куйаар далай түһүлгэ” ыччат күрэҕэр кыттыахтара.
Муус устар 20 күнүттэн саҕалаан Үөһээ-Бүлүү улууһугар Маҥаас нэһилиэгэр, муус устар 21 күнүгэр Нам нэһилиэгэр, салгыы Кэнтик нэһилиэр “Куйаар далай түһүлгэ” ыччат оһуокайга күрэҕин ыытыыга бэлэмнэнии күүстээх үлэ ыытылла турар.
Өрөспүүбүлүкэтээҕи “Куйаар далай түһүлгэ” ыччат оһуокайга күрэҕин бастакы түһүмэҕэ муус устар 21 күнүгэр Үөһээ-Бүлүү улууһун Быракаан нэһилиэгэр буолан ааста уонна натын нэһилиэктринэн салҕанар.
Муус устар 24 күнүгэр Таатта улууһун киинигэр Ытык Күөлгэ Өксөкүлээх Өлөксөй скверигэр Ойулгулаах оһуохай улуустааҕы күөн-күрэс 150 киһилээх улахан түһүлгэтэ төрүттэннэ.Улуустааҕын Норуот айымньытын дьиэ\тин директора Е.А. Сивцева, Таатта идэлээх сойуустарын координационнай сэбиэтин бэрэссэдээтэлэ П.В. Борисов, Култуура эдэр ыччатын салайааччыта Л.А. Егоров эҕэрдэ тылларын анаатылар. Уос аһар оһуохайы СӨ үтүөлээх этээччилэрэ Таатта нэһилиэгиттэн Иван Иванов,Дьохсоҕонтон Илья Наумов, Алдан нэһилиэгиттэн Айта Васильева этэн түһүлгэни киэргэттилэр. Улахан түһүлгэҕэ Таатта улууһун чуор куоластаах бастыҥ оһуохай этээччи 12 эдэр ыччата эгил-тэгил түһүстэ. Кыайыылаахтар: I Үрдэл- Туйаара Яковлева, Октябрьскай нэһилиэгэ (10 тыһ. сертификат), II Үрдэл-Егор Дуракинов, Дьохсоҕон нэһилиэгэ (8 тыһ. сертификат), III Үрдэл- Михаил Прохоров, Октябрьскай нэһилиэuгэ (6 тыһ. сертификат), Анал ааттары ыллылар: “Эйээркэй куоластаах”-Альбина Семенова Таатта нэһилиэгэ (3 тыһ сертификат), “Бастын кыначчыт”-Айаал Багынанов (3 тыһ сертификат), Орто Амма нэһилиэгэ, “Оһуор ойуу уҥус-уран тыллаах этээччи” Анатолий Свиновбоев, Дьүлэй нэһилиэгэ (3 тыһ сертификат). Кыайыылаахтар Дьокуускай к. Үһүс Өрөспүүбүлүкэтээҕи түһүмэххэ кыттар чиэскэ тигистилэр.
Муус устар 26 күнүгэр Алданнааҕы медицинскэй колледж саалатыгар ыччат-студеннар ортолоругар оһуохай түһүлгэтэ тэрилиннэ сал. Федорова Э.И. Барыта 45 ыччат оһуокай тула муһунна. Маныаха “Саха аймах”түмсүү сал. Соловьева Г.П., Аллараа-Кураанах 4 № оскуолатын фольклорга уһуйааччытаУшницкая Н.С.үлэлэстилэр.
Мэнэ-Ханалас улууһугар үгэскэ кубулуйбут быйылгы сылга 69-с Култуура уонна спорт эстафетатын чэрчитинэн 30 ыччат оһуокай күрэҕэр кыттан, кыайыылаахтар ыам ыйын 22 күнүгэр өрөспүүбүлүкэтээҕи ыччакка туһуламмыт «Куйаар далай түһүлгэ” күрэҕэр, ыам ыйын 29 күнүгэр “Күн оһуохайа” илин эҥэр улуустар бэстибээллэригэр кытталлара былааннанар.
Амма улууһугар ыам ыйын 9 күнүгэр “Кыайыы оһуокайа”, салгыы үгэскэ кубулуйбут «Дуорайдын Амма ыччатын оһуокайа!” ыам ыйын 15 күнүгэр, ыытыллара былааннанар.
Хаҥалас улууһугар ыам ыйын 13 күнүгэр “Куйаар далай түһүлгэ” улуустааҕы күрэҕэ Арчы Дьиэтигэр ыытыллара былааннанар.
Нам улууһугар ыам ыйын 15 күнүгэр улуустааҕы эдэр оһуокайдьыттар күрэхтэрэ ыытыллара былааннанар. Бастакы, иккис түһүмэхтэр кыайыылаахтара салгыы куоракка өрөспүүбүлүкэтээҕи Үһүс түһүмэххэ Дьокуускай куоракка кыттыахтара, анал бириистэринэн наҕараадаланыахтара.
Ити курдук Өрөспүүбүлүкэтээҕи «Куйаар далай түһүлгэ” оһуокай этээччи эдэр ыччат күрэҕин I түһүмэҕэ нэһилиэктэринэн ыытыллан, салгыы улуустарынан II түһүмэҕэ бара турар.
Түмүктүүр III өрөспүүбүлүкэтээҕи түһүмэх Дьокуускай куоракка ыам ыйын 22 күнүгэр ыытыллара былааннанар. Сайаапкалар ыам ыйын 20 күнүгэр диэри маннык электроннай аадырыска ылыллаллар: rnmcnt@mail.ru
Балыһыанньата: https://rdnt-ykt.ru/wp-content/uploads/%D0%9F%D0%9E%D0%9B%D0%9E%D0%96%D0%95%D0%9D%D0%98%D0%95-01-%D0%9F5-14.pdf