Кулун тутар 14-15 күннэригэр Дьокуускай куоракка мастан ЧОРООН, САХА ОХ СААТЫН, КЫЛЫҺАХ-КЫРЫЫМПАНЫ оҥорор уустарга аналлаах «МАС УУСТАРЫН ТОЙУГА».
III Өрөспүүбүлүкэтээҕи күрэх-фестиваль “Модун” спортивнай кииҥҥэ ыытыллыа.
Күрэх балаһыанньатынан кыттааччы эрдэттэн бэйэтин материалыттан оҥоһугун заготовкатын аҕалар уонна икки күн устата көрөөччүлэр уонна экспертар иннилэригэр уһанар.
Оҥоһуу маастарыстыбата төрүт үгэһи тутуһан, норуот уратытын үрдүк таһымҥа көрдөрөр, сырдатар буолуохтаах!
Ох саа бэлэм буоллаҕына кыттааччы ытан күрэхтэһэр, кылыһах-кырыымпаларга оонньоон дорҕооннорун иһитиннэрэллэр, бэлэм чорооҥҥо маастар быырпах кутан күндүлүүр.
Эһигини күн устата араас маастардар оҥоһуктарын атыы-эргиэн быыстапкалара, толорооччулар маастар-кылаастара, кэнсиэрдэр күүтэллэр.
Биир умнуллубат түгэнинэн СР норуотун маастарын, кылыһах-кырыымпаҕа уонна ох саа-кылга бастыҥ толорооччуну Руслан Габышевы кытта көрсүһүү буолуо.
Күндү кыттааччылар, көрөөччүлэр, сэҥээрээччилэр эһигини Киров уул. 20/1 “Модун” спортивнай кииҥҥэ, сарсыарда 10 чаастан киэһэ 6 чааска диэри саха омугун төрүт иһитин, доҕуһуолун тэрилин уонна саха ох саатын оҥорор күрэххэ, атыы-эргиэн быыстапкатыгар күүтэбит.
Күрэххэ, атыы-эргиэн быыстапкатыгар кыттыан баҕалаахтар
89241652212 (кылыһах-кырыымпа),
89246611986 (ох саа),
89142666358 (чороон),
89644200896 (быыстапка, атыы-эргиэн) билсиҥ, сайаапкаҕытын биэриҥ!