Саха Өрөспүүбүлүкэтин культуратын туйгуна, кэпсэтии жанрын бастыҥа, «Чолбон» рок-бөлөх төрүттээччитэ, өр сылларга культура эйгэтигэр салайар дуоһунастарга үлэлээбит, Үөһээ Бүлүү Намыттан төрүттээх Александр Дмитриевич Тойтонов 70 сылыгар аналлаах «Норуот конферансьета-2025» республика таһымнаах күрэс аан бастакытын А.Е.Кулаковскай-Өксөкүлээх Өлөксөй аатынан Норуоттар доҕордоһууларын дьиэтигэр Александр Дмитриевич дьиэ кэргэнин, биир идэлээхтэрин, доҕотторун, биир дойдулаахтарын көҕүлээһиннэринэн, Өрөспүүбүлүкэтээҕи норуот айымньытын Дьиэтин өйөбүлүнэн үрдүк таһымнаахтык ааста.
Бу күн өрөспүүбүлүкэбит араас муннуктарыттан конферансье курдук уустук жанрга талааннаах дьон кыттыыны ылла. Ол курдук Үөһээ Бүлүүттэн, Бүлүү, Нам, Уус-Алдан, Мэҥэ-Хаҥалас, Горнай, Чурапчы, Амма улуустарыттан уонна Табаҕа нэһилиэгиттэн.
Кыайыылаах КЫЛААН ЧЫПЧААЛ ааты БУРНАШЕВ ВАСИЛИЙ ВАСИЛЬЕВИЧ (Нам улууһа) сүктэ уонна 100 000 тыһыынчалаах Үөһээ Бүлүү улууһун культураҕа салаатын аатыттан туоһу суругунан “Чороон 21 үйэ” (сал. Попова С.Т) хампаанньаттан анал бэлиэлээх Тойон чороонунан наҕараадаланна.
Бастакы үрдэл Стручков Аян Васильевич (Мэҥэ-Хаҥалас улууһа). Нам нэһилиэгин олохтоохторун уонна А.Д.Тойтонов бииргэ үөрэммит доҕотторун ааттарыттан 70 000 тыһ.солк туоһу сурук.
Иккис үрдэл Дьяконов Петр Петрович (Чурапчы улууһа). Өрөспүүбүлүкэтээҕи норуот айымньытын Дьиэтин 50 000 тыһ.солк.туоһу суругунан на5араадаланна.
Үһүс үрдэл Егоров Артур Николаевич (Горнай улууһа). А.Д.Тойтонов дьиэ кэргэнин аатыттан 30 000тыһ.солк туоһу суругунан на5араадаланна.
Анал бириистэр:
СӨ культуратын ветеран үлэһиттэрин ааттарыттан-Гаврильева Татьяна Михайловнаҕа (Нам улууһа), «Кыым» хаһыат анал бирииһэ- Руфов афанасий Васильевичка (Үөһээ Бүлүү улууһа), Шишигина Любовь Егоровна анал бирииһэ-Григорьев Спиридон Спиридоновичка (Мэҥэ-Хаҥалас улууһа), Данилова Мария Никитична анал бирииһэ-Васильев Денис Александровичка (Уеьээ Булуу улууьа), Петр Петрович Пестряков аатынан «Керееччу биһирэбилэ» анал бириис-Гоголев Александр Васильевичка (Уус-Алдан улууьа), Павлов Алексей Прокопьевич анал бирииһэ-Афанасьев Николай Афанасьевичка-Айдаманна (Булуу улууьа), «Көмүлүөк» тумсуу анал бирииьэ-Максимова Диана Алексеевна5а (Горнай улууьа), Уеьээ Булуу улууьун Нам нэьилиэгин дьаьалтатын анал бирииьэ-Саввинов Дмитрий Романовичка (Амма улууьа), Чиркова Валентина Ивановна анал бирииьэ-Харлампьева Светлана Валерьевна5а (Ханалас улууьа), Гаврильева Татьяна Михайловна5а (Нам улууьа), Тойтоновтар аймахтар анал бириистэрэ-Акимова Розалия Леонидовна5а (Уеьээ Булуу улууьа) туттардылар.
Дьүүллүүр сүбэҕэ үлэлээтилэр: Любовь Егоровна Шишигина, Өксөкүлээх Өлөксөй аатынан норуоттар доҕордоһууларын Дьиэтин бочуоттаах үлэһитэ,сүрүннүүр методист-специалист, култуура ветерана, СӨ култууратын туйгуна, Олоҥхо ыһыахтарын, республикаҕа чабырҕах күөн-күрэстэрин солбуллубат дьүүллүүр сүбэ бэрэссэдээтэлэ. Мария Никитична Данилова, Горнай улууһун уонна Одуну нэһилиэгин бочуоттаах олохтооҕо, СӨ үтүөлээх артыыһа, театр уонна киинэ артыыһа, саха дьахталларыттан биир бастакынан кэпсэтии жанрыгар үлэлээччилэртэн биирдэстэрэ. Алексей Прокопьевич Павлов, Арассыыйа култууратын үтүөлээх үлэһитэ, “Култуураҕа уонна искусствоҕа үтүөлэрин иһин” уордьанын кавалера, СӨ норуодунай артыыһа, Федор Волков аатынан Арассыыйа Бырабыыталыстыбатын бириэмийэтин лауреата, Бүтүн Сойуустааҕы эстрада артыыстарын күрэҕин лауреата. Валентина Ивановна Чиркова, СӨ үтүөлээх артыыһа, Нам улууһун Модут нэһилиэгин бочуоттаах олохтооҕо, кэпсэтии жанрыгар саха дьахталларыттан бастакынан идэтийбит артыыс, Афанасий Гуринов-Арчылан, СӨ Суруйааччыларын уонна Арассыыйа суруналыыстарын Сойууһун чилиэнэ, бэйиэт, прозаик, тылбаасчыт, “Күрүлгэн” уус-уран сурунаал сүрүн эрэдээктэрэ.
А.Е.Кулаковскай аатынан норуоттар доҕордоһууларын Дьиэтин генеральнай дириэктэригэр Корякина Антонида Николаевнаҕа, «Саха» НКИХ (Марков О.О), «Чороон 21 уйэ» (Попова С.Т) хампаанньаҕа, Үөһээ Бүлүү улууһун дьонугар-сэргэтигэр, культура салалтатыгар, «Нам нэһилиэгэ» муниципальнай тэриллии дьаһалтатыгар, «Көмүлүөк» түмсүүгэ, А.Д.Тойтонов бииргэ үлэлээбит культура бэтэрэ эннэригэр, бииргэ алтыһан ааспыт доҕотторугар, чугас аймахтарыгар, бииргэ үөрэммит доҕотторугар, учуутала П.П.Пестряков бииргэ төрөөбүттэригэр, оҕолоругар, сиэннэригэр күүс-көмө өйөбүл буолбут дьоммутугар-сэргэбитигэр барҕа махталбытын тиэрдэбит!
Өрөспүүбүлүкэтээҕи норуот айымньытын Дьиэтэ
