Өрөспүүбүлүкэтээҕи «Куйаар далай түһүлгэ» ыччат оһуохайга күрэҕэ өрөспүүбүлүкэбит үрдүнэн нэһилиэктэринэн, улуустарынан киэҥ далааьыннаахтык аан бастаан Саха Өрөспүүбүлүкэтин Бырабыытылыстыбатын өйөбүлүнэн, Саха Өрөспүүбүлүкэтин култуураҕа уонна духуобунай сайдыыга салалтатынан, Өрөспүүбүлүкэтээҕи Норуот айымньытын дьиэтин тэрийиитинэн, Өрөспүүбүлүкэтээҕи Оһуохай түмсүү кыттыылаах ыытыллан, ыам ыйын 24 күнүгэр Дьокуускайга “Доҕордоһуу” болуоссатыгар 12 улуустан: Амма, Бүлүү, Нам, Үөһээ-Бүлүү, Ньурба, Сунтаар, Уус-Алдан, Мэҥэ-Хаҥалас, Уус-Майа, Хаҥалас, Чурапчы, Таатта уонна Дьокуускай куораттан 32 эдэр оһуохай этээччы ыччаттар мустубуттара дьон сэргэ сүргэтин көтөхтө.
Эҕэрдэ тыл эттилэр: Афанасий Ноев А.И., Саха Өрөспүүбүлүкэтин култуураҕа уонна духуобунай сайдыыга миниистирэ, Семенов С.С. Өрөспүүбүлүкэтээҕи Норуот айымньытын дьиэтин директора, Саха Өрөспүүбүлүкэтин култууратын үтүөлээх үлэһитэ.
Күөн-күрэс икки бөлөҕүнэн: саҥа саҕалааччылар уонна идэтийбит этээччилэр диэн ыытылынна. Дьүүллүүр Субэҕэ үрдүк таһымнаах салайааччылар, чинчийээччилэр, оһуохайы илдьэ сылдьааччылар уонна уһуйааччылар үлэлээтилэр. Дьүүллүүр Сүбэ бэрэссэдээтэлэ Ефимова Л.С., М.К. Аммосов аатынан ХИФУ культурология кафедратын сэбиэдиссэйэ, филология билимин дуоктара. Дьүүллүүр Сүбэ чилиэннэрэ: Данилов А.Д., Өрөспүүбүлүкэтээҕи “Оһуохай” түмсүү бэрэссэдээтэлэ; Тихонова Р.М., СӨ Ил Дарханын стипендиата, Оһуохайга Аан Дархан этээччи, СӨ култууратын үтүөлээх үлэһитэ, Ньурба улууһун бочуоттаах гражданина, Ньурба улууһун култуураҕа департаменын салайааччыта; Винокуров М.Н., Дьокуускайдааҕы А.Д.Макарова аатынан култуура уонна искусство коллеһын преподавателэ, СӨ култууратын үтүөлээх үлэһитэ; Терютин Н.Н., Өрөспүүбүлүкэтээҕи Норуот айымньытын дьиэтин сүрүннүүр специалиһа, РФ уопсай үөрэхтээһинин бочуоттаах үлэһитэ, СӨ үөрэҕириитин туйгуна, СӨ култууратын туйгуна; Степанова В.А., СӨ үтүөлээх артыыьа, Аан дойду виртуоз-хомусчута, Дьокуускайдааҕы М.Н. Жирков аатынан музыка коллеһын преподавателэ; Лыткина Г.А., Дьокуускайдааҕы А.Д. Макарова аатынан култуура уонна искусство коллеһын преподавателэ, СӨ култууратын туйгуна.
Күрэх олус долгутуулаахтык уонна тыҥааһыннаахтык ааста, саҥа ааттар билиннилэр. Дьүүллүүр Субэ уонна Өрөспүүбүлүкэтээҕи Норуот айымньытын дьиэтин туьааннаах специалистара эдэр оһуохай этээччы ыччаттар таһымнара үрдээбитин бэлиэтээтилэр.
Кыайыылаахтарга анал бириистэри үрдүк үөрүүлээх түгэҥҥэ туттарда Сергей Васильевич Местников Саха Өрөспүүбүлүкэтин Бырабыыталыстыбатын бэрэссэдээтэлин солбуйааччыта.
Кыайыылаахтар:
идэтийбит этээчилэр бөлөхтөрүгэр:
II ҮРДЭЛ-Крылова Айта (Сунтаар улууһа);
III ҮРДЭЛ-Саввинова Людмила (Ньурба улууһа).
Саҥа саҕалааччыларга:
II ҮРДЭЛ-Эрик Егоров (Дьокуускай куорат);
III ҮРДЭЛ-Дьуур Егоров (Сунтаар улууһа).
Өрөспүүбүлүкэтээҕи “Оһуохай” түмсүү бэрэссэдээтэлэ Данилов А.Д. үөрүүлээх быһыыга-майгыга анал бириистэрин (харчынан бириэмийэ) Ариана Михайловаҕа (Дьокуускай) уонна Иванов Иваҥҥа (Таатта улууьа) туттарда.
Сарсын, ыам ыйын 25 күнүгэр, Өрөспүүбүлүкэтээҕи Оһуохай күнүгэр, СӨ Ил Дархана Николаев Айсен Сергеевичтан Өрөспүүбүлүкэ болуоссатыгар 12.00ч I Үрдэл кыайыылаахтара анал бириистэрин үрдүк үөрүүлээх тэрээһиҥҥэ тутуохтара.
Өрөспүүбүлүкэтээҕи “Куйаар далай түһүлгэ” эдэр ыччакка туһуламмыт оһуохайга күрэҕэ алгыстаах аартыга арыллан, үгэскэ кубулуйан үйэлэртэн үйэлэргэ эдэр көлүөнэ ыччаты ыҥыра-угуйа турдун!
