Өрөспүүбүлүкэтээҕи Норуот айымньытын дьиэтэ норуот тылынан уус-уран айымньытын араас көрүҥнэрин тарҕатыыга, киэҥ эйгэҕэ таһаарыыга, айар талааннаахтары өйөөһүнү, үйэтитиини болҕомтоҕо ылан киэҥ хабааннаах үлэ араас хайысхаларын олоххо көдьүүстээхтик киллэрэр.
Саха Өрөспүүбүлүкэтин үрдүнэн муус устар 7 күнүттэн “Куйаар далай түһүлгэ” (Священный круг) оһуокай тылын этээччи ыччаттарга туһуламмыт күрэх нэһилиэктэринэн киэҥ хабааннаахтык саҕаламмыта.
Ол курдук, бу күрэх сал5анан муус устар 25 күнүгэр Чуоапчы с. тэриллибитэ, муус устар 26 күнүгэр – Таатта5а, чуолаан Ытык Күөлгэ ыытылынна, сал5ыы улуустаа5ы күрэх быланнанар. Yөhээ Бүлүү улууhугар Yөдугэй уонна Манаас нэьилиэктэригэр бастакынан ыытыллан күрэх улууска сал5ыы бара турар. Уонна бүгүн Нам Хатырыгар ыытылынна.
Ол кэннэ күргүөмүнэн Өрөспүүбүлүкэбит күнүгэр муус устар 27 күнүгэр ыытыллара күүтүллэр.
Өрөспүүбүлүкэтээҕи күрэх сыала-соруга: норуот баарҕа баайын, тылынан уус-уран айымньытын ураты көрүҥүн -оһуокайы киэҥ эйгэҕэ таһаарыы, эдэр ыччаты уһуйуу, саҥа талааннары арыйыы.
“Куйаар далай түһүлгэ” күрэх Саха өрөспүүбүлүкэтин Бырабыытылыстыбатын өйөбүлүнэн, Саха Өрөспүүбүлүкэтин Култуураҕа уонна духуобунай сайдыыга министиэристибэтэ көҕүлээһининэн, Өрөспүүбүлүкэтээҕи Норуот айымньытын дьиэтин тэрийиитинэн муус устар 7 күнүттэн ыам ыйын 25 күнүгэр диэри ыытыллар.