2025 cыл кулун тутар 1 күнүгэр Нам сэлиэнньэтин Максим Кирович Аммосов аатынан култуура уонна духуобунай сайдыы уораҕайыгар бэһис төгүлүн Өрөспүүбүлүкэҕэ дэгэрэҥ ырыаны айыы, Христофор Максимов ырыаларын толоруу уонна төрүт дорҕоон доҕуһуолугар оҥоһуллубут иккис төгүлүн саха үҥкүүтүн туруоруу күөн күрэһэ ыытылынна. Бу улахан түһүлгэҕэ Горнай, Чурапчы, Мэҥэ-Хаҥалас, Бүлүү, Томпо, Хаҥалас, Нам улуустарын, Хатас, Марха, Дьокуускай бэрэстэбиитэллэрэ кыттыыны ыллылар.
Уопсайа 151 кыттааччы бастыҥ ааты ылар иһин холоннулар.
Күрэс тэрийээччилэрэ: Христофор Максимов фондата, Өрөспүүбүлүкэтээҕи норуот айымньытын Дьиэтэ, Нам улууһун култуураҕа салалтата, Максим Кирович Аммосов аатынан култуура уонна духуобунай сайдыы Киинэ.
Дэгэрэҥ ырыаны айыы уонна толоруу бырайыак ааптарынан А. Ф. Шестаков аатынан улуустааҕы норуот айымньытын дьиэтин фольклорга специалиһа Мария Григорьева – Маайа буолар. Күрэс аан бастаан икки сыл ситим нөҥүө Нам улууһун Фрунзе нэһилиэгэр, Ийэ олоҥхоһуттар П.П. Ядрихинскай- Бэдьээлэ, Егор Герасимович Охлопков-Буоратай үбүлүөйдээх сылларыгар ананан ыытыллыбыта. 2024 сылтан бырайыак кэҥээн, саха үҥкүүтэ төрүт дорҕоон доҕуһуолун кытта ситимнээх буоллун диэн «Ньургуһун” народнай үҥкүү-хор коллектив балетмейстерын, СӨ култууратын туйгуна Мария Попованы кытта бииргэ үлэлэһэн, үтүө үгэс оҥостон иккис сылын ыытылынна.
Күрэс дьүүллүүр сүбэтигэр үлэлээтилэр: РФ уонна СӨ доруобуйа харыстабылын туйгуна, Христофор Максимов фондатын чилиэнэ, Христофор Максимов улахан уола, дьүүллүүр сүбэ председателэ Иннокентий Максимов, СӨ култууратын үтүөлээх үлэһитэ, РФ театральнай деятеллэр сойуустарын чилиэнэ, СӨ ырыа айааччыларын сойууһун чилиэнэ, Христофор Максимов фондатын чилиэнэ, СӨ геокультура сайдыытын институтун сүрүннүүр специалиһа Саргылана Адамова – Алтан Кыыс, СӨ култууратын туйгуна, Олоҥхо театрын артыыһа, Христофор Максимов Фондатын чилиэнэ Дмитрий Иванов, СӨ култууратын үтүөлээх үлэһитэ, Сергей Зверев – Кыыл Уола аатынан национальнай үҥкүү театрын педагог-балетмейстера Юрий Федоров, Өрөспүүбүлүкэтээҕи норуот айымньытын Дьиэтин сүрүннүүр специалиһа, РФ уопсай үөрэхтээһинин бочуоттаах үлэһитэ, СӨ култууратын, үөрэҕириитин уонна ыччат политикатын туйгуна Николай Терютин.
Күрэс түмүгүнэн дэгэрэҥ ырыа айааччыларга:
- Кылаан Чыпчаал — Ульяна Ефремова, Мэҥэ Хаҥалас
- I үрдэл — Сахаайа Колодезникова, Нам улууһа
- II үрдэл — Михаил Васильев, Бүлүү улууһа
- III үрдэл — Егор Леонтьев, Нам улууһа
- I үктэл — Николай Протасов, Дьокуускай куорат, Хатас нэһилиэгэ
- II үктэл — Сергей Протопопов
- III үктэл — Афоима Решетникова, Чурапчы улууһа
Анал ааттар:
- Христофор Максимов ырыатын бастыҥ толорооччу — Михаил Васильев, Бүлүү улууһа
- Ааптар ырыатын бастыҥ толорооччу — Варвара Орлова, Чурапчы улууһа
- Бастыҥ доҕуһуол — «Айыы кыһата» кыл бөлөҕө, салайааччы У.П.Харитонова, А.Г.Кысылбаиков, Дьокуускай
- Дьокуускай.
Саха үҥкүүтүн туруорааччыларга:
- II үрдэл «Саһарҕа» үһүс көлүөнэ үҥкүү бөлөҕө, салайааччы А.Аржаков, Одьулуун нэһилиэгэ, Чурапчы улууһа
- III үрдэл «Айылҕан» үҥкүү бөлөҕө, салайааччы М.Попова, Нам улууһа
- I үктэл «Чөмчүүк» үҥкүү бөлөҕө, салайааччы М.Захарова, Нам улууһа
- II үктэл «Тускул» үҥкүү бөлөҕө, салайааччы В.Собакин, Хатас, Дьокуускай
- III үктэл «Кэрэчээн» үҥкүү бөлөҕө, салайааччылар Л.Кычкина, С.Заровняева, Горнай улууһа
Анал аат:
- «Саха төрүт үҥкүүтүн сөргүтүү» — «Күнчээн» образцовай оҕо үҥкүүтүн бөлөҕө, салайааччы Т.Мохова, Нам улууһа.
Күрэс түмүгүнэн дэгэрэҥ ырыа айааччыларга Дмитрий Иванов маастар кылаас ыытан киэҥ сэҥээриини ылла.
Үҥкүү туруорааччыларга дьүүллүүр сүбэ кыттыылаах үҥкүүлэри ырытыы, санаа атастаһыыта тэрилиннэ.
Күрэскэ кэлбит бары кыттааччыларбытыгар махталбытын тиэрдэбит. Эһиилги сылга баар итэҕэстэри туоратан өссө кытта кэлэр санаалаах кыттааччылар тарҕастылар.
