Саха тылын харыстыыр уонна үйэтитэр сыалтан Өрөспүүбүлүкэтээҕи норуот айымньытын дьиэтэ көҕүлээһининэн олунньу ый 6 күнүгэр Василий Васильевич Никифоров
(Күлүмнүүр) аатынан “Тойон Мүрү” дыбарыаһыгар Уус-Алдан улууһун Мүрү нэһилиэгэр «ТуоС» – тыл уонна сатабыл саха тылыгар 9-11 кылаас оҕолоругар интеллектуальнай оонньуу ыытылынна.
Г.В.Егоров аатынан Мүрү 1 №-дээх орто оскуолатыттан икки хамаанда, В.А. Протодьяконов-Кулантай аатынан Майаҕас орто оскуолата, Н.Н. Оллонов аатынан Уһун-Күөл орто оскуолата, М.М. Стрекаловскай аатынан Өнөр орто оскуолата, уопсайа 5 хамаанда кыттыыны ылла. Күрэх 5 түһүмэҕинэн ыытылынна:
1 түһүмэх. Бэйэни билиһиннэрии видеоролига.
2 түһүмэх. Саха тылын билиитин тургутуу.
3 түһүмэх. Араас темалаах интерактивнай оонньуу.
4 түһүмэх. Саха төрүт атах оонньуута.
5 түһүмэх. Өйтөн айымньы айан таһаарыы.
Тыҥааһыннаах күрэх түмүгүнэн:
1 миэстэ – Муру эрэллэрэ – Г.В. Егоров аатынан 1 нуомэрдээх Муру оскуолата
2 миэстэ – Эhэлээх эрэллэрэ – М.М. Стрекаловскай аатынан Онор орто оскуолата
3 миэстэ – Сайдыс – Н.Н. Оллонов аатынан Уhун-Куол оскуолата
Миэстэлэспит хамаандалар кубоктарынан уонна сыаналаах бириистэринэн наҕараадаланнылар.
Оҕолор төрөөбүт төрүт тылларын билиилэрин хаҥатан, үөрэ-көтөн чаҕылыһан тарҕастылар.
Олунньу 13 күнүгэр – тыл уонна сурук-бичик күнүгэр Дьокуускай куоракка өрөспүүбүлүкэ таһымнаах күрэххэ кыайыылаах хамаанданы күүтэбит!
