тойуксуттар өрөспүүбүлүкэтээҕи күөн-күрэстэрин торума
Буолар күнэ-дьыла: бэс ыйын 29 күнэ, 2024 с.
Ыытыллар миэстэтэ: Дьокуускай куорат, Үс Хатыҥ, 7 №-дээх түһүлгэ. Тойук тоҕойо
Бириэмэтэ: 17.00 ч. Мустуу: 16.00 ч.
Тэрийээччилэр:
– Өрөспүүбүлүкэтээҕи норуот айымньытын Дьиэтэ;
– Дьокуускай куорат култуураҕа салаата;
– Арчы Дьиэтэ;
Күөн-күрэс сыала-соруга:
• Норуот тылынан уус-уран айымньытын тойугу үйэтитии, харыстааһын уонна тарҕатыы.
• Саха тылын кэрэтин иҥэриммит, өбүгэ саҕаттан илдьэ кэлбит
кылыһахтаах тойукка үүнэр көлүөнэни уһуйуу.
• Кэрэ куоластаах, уус-уран тыллаах тойуксуттары истии, тойугу
истэр, сэҥээрэр эйгэни кэҥэтии.
• Саҥа талааннары арыйыы.
Күөн-күрэс ирдэбилэ:
• Күөн-күрэскэ улуустар ыһыахтарыгар бастаабыт биирдиилээн, дьиэ кэргэнинэн уонна о5олор бөлөҕүнэн толорооччулар кытталлар:
• 1 бөлөх – идэтийбит тойуксуттар. Бу түһүмэххэ улууска, өрөспүүбүлүкэҕэ миэстэлэспит, кыттыбыт, өрөспүүбүлүкэ үтүөлээх тойуксуттара кытталлар (утары анал тиэмэ бэриллэр).
• 2 бөлөх – тойугу саҥа саҕалаан туойааччылар. Эрдэ тойуктарын
бэйэлэрэ бэлэмнэнэн кэлэллэр.
• 3 бөлөх – тойуксуттар бөлөхтөрө. Дьиэ кэргэнинэн кыттыы биһирэнэр
(сааһынан, ахсаанынан хааччаҕа суох, эбээ, эһээ, хаан-уруу аймах кыттара көҥүллэнэр).
4 бөлөх – оҕолор бөлөхтөрө. Сааһынан, ахсаанынан хааччаҕа суох.
• Тойугу толоруу бириэмэнэн хааччахтаммат.
• Толорооччу сахалыы таҥастаах буолара ирдэнэр.
Кыайыылааҕы быһаарар сүрүн ирдэбиллэр:
• Этэр тылын чуолкайа, таба тыыныыта, уһун тыына.
• Туойар тылын ууһа.
• Куолаһын кэрэтэ, кылыһаҕын тардыыта.
• Сахалыы таҥаһа.
Тэрээһин ирдэбиллэрэ:
• Кыттааччы кэлэр-барар ороскуотун, аһылык ороскуотун бэйэтэ
уйунар.
• Ыйыллыбыт кэмҥэ кэлбэтэх кыттааччылар күөн-күрэстэн туорууллар.
• Паспорт, СНИЛС, ИНН, баан реквизиттарын куопуйаларын илдьэ кэлэрэ булгуччулаах.
• Кыттааччылар сайаапкаларын бэс ыйын 25 күнүгэр дылы ыыталлар.
• Сайаапкалар күөн-күрэс бириэмэтигэр ылыллыбаттар.
• Күөн-күрэс балаһыанньатын rdnt.ykt.ru сайтка көрүөххүтүн сөп.
Биһирэбил көрүҥнэрэ:
• Бастакы бөлөххө Кылаан чыпчаал бириис.
• Иккис бөлөххө I, II, III үрдэллэр олохтоноллор.
• Оҕолор бөлөҕүнэн, дьиэ кэргэнинэн толорууга I, II, III үрдэллэр олохтоноллор.
• Анал ааттар иҥэриллэллэр (хас биирдии көрүҥҥэ 5-тэн итэҕэһэ
суох буолуохтаах)
• Хас биирдии кыттааччыга Туймаада Ыһыаҕын туоһу суруга туттарыллар.
• Дьүүллүүр сүбэ быһаарыыта бүтэһиктээх.